కళారాధన

స్పిక్ మాకి (Society for Promotion of Indian Classsical Music and Culture Among Youth - SPICMACAY) - ఒక స్వఛ్చంద సంస్ధ. యువతలో భారత కళల పయి మక్కువ పెంచడానికి ఈ సంస్థ పని చేస్తోంది. ఇంచు మించు 25 సంవత్స్రరాలనుండి విశ్వవ్యాప్తిగా పని చేస్తోంది. ప్రఖ్యాతి గాంచిన కళాకారులు విద్యార్ధుల తో గడుపుతారు. బడిలో, సళాశాలలో ప్రదర్శనలిస్తారు. వాళ్ళడిగిన ప్రశ్నల కి జవాబులు చెపుతారు... కళల గురించి చెపుతారు. ఇందువల్ల యువతకి భారతీయ కళల పయి మంచి అవగాహన వస్తుంది. మన కళలని నేర్చుకోవాలని, సాధన చేయాలని కోర్కె కల్గుతుంది. కనీసం ఆ కళ పై ఆసక్తి కలుగు తుంది. విద్యార్ధి గా ఉన్నప్పు డే మంచి కళాకారులని చూసే, వినే, మాట్లాడే, ప్రశ్నించే అవకాశం కలుగుతుంది. ప్రేరణ కలుగుతుంది.

నేను అహ్మదాబాదు లొ చదువుతున్నప్పుడే, పెద్ద పెద్ద కళాకారులని చూసే, వినే, మాటాడే అవకాశం దొరికింది. భీంసేన్ జోఃసి, లీలా సాంసన్, విశ్వమోహన్ భట్, హరి ప్రసాద్ చౌరాసియా, లాల్గుడి జయరామ్, మల్లికా శరభయి లాంటి కళాకారుల ప్రదర్శనలని చూసాను. కళల పయి మరింత గౌరవం పెరిగింది. మరింత అవగాహన, ఆప్యాయత పెరిగాయి. ఎంత అద్రుస్టం అనుకున్నాను... మరో నేత్రం మనసులో తెరుచుకుంది. చెవులకు కొత్త గా ధ్వనులు వినబద్దాయి... నేను చెన్ననాడే నేర్చుకున్న సంగీతం మరింత మధురమయిన మిత్రమయింది... రాగాలు, స్వరాలు, పాటలు, మరింత చేరువయ్యాయి...

నిన్న విరాసత్ 2009 లొ, స్పిక్ మాకి వారి ఆర్ధ్వర్యం లో జరిగిన పండిత్ హరి ప్రసాద్ చౌరాసియా మురళి, శివం గారి నాదస్వరం చూసాను... చిన్నారులంతా ఆసక్తిగా విన్నారు... ప్రశ్నలడిగారు... చల్లని శీతాకాలమ్... చలిలొ... ప్రశాంతమయిన వాతావరణంలో, వేణునాదం ఎంత మధురం గా ఉందో.... స్పిక్ మాకి గురించి, వారి వెబ్ లో చూడవచ్చు... వారికి మరింత ధన్యవాదాలు....

రామచంద్రుని మనోధర్మం